MBUNGE WA ILEMELA AGAWA VIFAA VYA MICHEZO KWA KATA 19

Katika  juhudi zake za kuimarisha mchezo wa soka Jimboni na kukuza dhana ya michezo ni ajira Mhe Mbunge wa Jimbo la Ilemela na Naibu Waziri wa Ardhi Nyumba na Maendeleo ya Makazi Dkt. Angeline S L Mabula amegawa vifaa vya michezo kwa timu 19 kutoka katika kila kata za Jimbo.

Akikabidhi vifaa hivyo kwa Maafisa Watendaji na Viongozi wa Timu kutoka kila Kata kwa niaba ya Mhe Mbunge, Katibu wa Ofisi ya Mbunge Comred Kheri James amesema Mhe Mbunge ana ndoto ya kuwaona Vijana wa Ilemela wanastawi kiuchumi kupitia mpira wa miguu kwa kuwa wachezaji bora wa ndani na nje ya nchi yetu.

Vifaa hivi vimegawiwa ikiwa ni sehemu ya maandalizi ya ligi ya jimbo "ANGELINE  JIMBO CUP" inayo tarajiwa kuanza jumanne wiki ijayo kwa kuzinduliwa rasmi katika kiwanja cha Buswelu na kuhudhuriwa na Viongozi, Wananchi, na Timu za Kata zote zitakazo shiriki katika Ligi hii ilio andaliwa na Mhe Mbunge.      

                        

"Ilemela ni yetu,Tushirikiane kuijenga"
                  
Imetolewa na
Ofisi ya Mbunge
Jimbo la Ilemela~Mwanza