ANGELINE JIMBO CUP YAZINDULIWA RASMI ILEMELA.

Ile ndoto iliyokuwa ikiotwa miaka yote yakuifanya michezo kuwa Ajira hatimae yaanza kukamilika  Jimboni Ilemela

Hii ni baada ya kuzinduliwa rasmi Leo kwa Ligi ya Jimbo la Ilemela Kata ya Buswelu  ikijumuisha Timu 19 za Mpira wa Miguu kutoka Kata zote za Jimbo hilo huku uzinduzi huo ukihudhuriwa na Mhe Mkuu wa Wilaya Ilemela Dr Leonard Masale, Mstahiki Meya wa Manispaa hiyo Madiwani wa kata mbalimbali na Wananchi  

Akizungumza katika Uzinduzi huo Mgeni rasmi  Mkurugenzi wa Halmashauri ya Manispaa Ilemela John Wanga mbali na kumpongeza Mhe Mbunge wa Jimbo la Ilemela Dr Angeline Mabula na waandaji wa Ligi hiyo  amewataka Vijana wa Jimbo hilo kukaa mkao wa kula ili kuzitumia fursa mbalimbali zinazopatikana Jimboni humo ikiwemo ya uwekezaji wa sekta ya Michezo utakaofanywa na wawekezaji kutoka nchini  Korea  utakao anza punde utakao pelekea uzalishaji wa wachezaji wengi na wazuri kwa Timu za ndani na Nje ya nchi wakitokea Ilemela

Aidha ameongeza kuwa lengo la Halmashauri ni kuifanya michezo kuwa Ajira, Michezo kuwa Kazi  hivyo wananchi wote wanao wajibu wakuunga mkono jiihada za Serikali na Mhe Mbunge katika kuyafikia malengo hayo huku akisisitiza nafasi ya Halmashauri, Ofisi ya Mkuu wa Wilaya na Ofisi ya Mbunge katika kuisaidia Timu ya Wilaya Mbao FC inayoshiriki Ligi Kuu Tanzania Bara.

Nae  Mwakilishi wa Mbunge ambae pia ni Katibu Ofisi ya Mbunge wa Ilemela Comred Heri James  amesisitiza kuwa Ofisi ya Mbunge  itaendelea kuchukua hatua mbalimbali katika kuwaletea wananchi maendeleo  hasa kupitia Michezo na kuwataka wananchi wa Jimbo hilo kuwa kitu kimoja na kila mmoja kutimiza wajibu wake katika kuyafikia maendeleo wanayoyataka
'...michezo ndo dira ya Jimbo hivyo Jimbo Cup iwe chachu ya kuwaleta watu pamoja na umoja wetu ndo mafanikio yetu..' alifafanua.

Wakihitimisha katika Uzinduzi huo Katibu wa Chama cha Mpira wa Miguu wilaya ya Ilemela na Diwani Mwenyeji ulipofanyikia uzinduzi huo Mhe Sara Ng'wani amemshukuru Mhe Mbunge huku akiiomba serikali kuzitafutia ufumbuzi changamoto za viwanja vya Michezo vilivyopo wilayani humo.

'Ilemela ni Yetu, Tushirikiane kuijenga'

Imetolewa na
Ofisi ya Mbunge
Jimbo la Ilemela~Mwanza