ILEMELA YAZIDI KUSHUKIWA NA NEEMA.

Jimbo la Ilemela limeendelea kupata neema ya maendeleo ya haraka na tija kwa watu wake kufuatia maandalizi ya ugeni mwengine kutoka nchini Korea utakao wasili mapema nchini siku ya kesho.

Ugeni huo wenye dhamira ya kuwezesha maendeleo kwa miradi mbalimbali ambayo itapewa kipaumbele na wananchi wa maeneo husika hasa hasa miradi ya  uboreshaji wa makazi ya kuishi na ujenzi wa vyoo vya kisasa .

Akizungumza katika kikao cha wenyeviti wa mitaa ya kata za Sangabuye na Kayenze iliyohudhuriwa pia na wataalamu kutoka Halmashauri ya Manispaa Ilemela Mbunge wa Jimbo hilo na Naibu Waziri wa Ardhi Nyumba na Maendeleo ya Makazi Dr Angelina Mabula amesema kuwa wageni hawa ni tofauti na wale wa mwanzo wale ni wawekezaji kutoka Korea na hawa ni wawezeshaji  kutoka nchini Korea, Hawa watajikita katika kujenga na kuimarisha makazi ya wanachi wa mitaa ya Iponyabugali uliopo kata ya Kayenze na Ihalalo uliopo kata ya Sangabuye kwa wananchi wenye makazi hatarishi na wasiokuwa na uwezo wa kuyaboresha.

'…Shughuli za maendeleo zitategemea sisi wenyewe vipaumbele vyetu kwa kuonyesha ushiriki wetu wa moja kwa moja  anaekusaidia ni lazima aone pale ulipoishia wewe mwenyewe kwanza hivyo wageni watawasili katika mitaa yetu siku za jumatatu Sangabuye na Jumanne Kayenze ni wajibu wetu kuwapa ushirikiano wa hali na mali ili waweze kutekeleza miradi hiyo…'
amefafanua.

Kwa upande wake Mheshimiwa Naibu Meya wa Manispaa Ilemela Ramdhan Maganga ameongeza kuwa suala la kujiletea maendeleo halisubiri kufanywa na watu wa nje ya nchi hivyo wananchi wana wajibu wa kujitolea kwa hali na mali katika kujiletea maendeleo na kufanikisha miradi mbalimbali ya Jimbo hilo huku akiahidi ushirikiano kutoka katik ofisi yake na Halmashauri kwa ujumla .

Nao wenyeviti wa mitaa inayohusisha miradi hiyo pamoja na viongozi wa kata zao  wamemshukuru Mhe Mbunge wa Jimbo hilo kwa jitihada zake anazozifanya kuhakikisha anatatua changamoto zote  zinazowakabili wananchi wake huku wakiahidi kumpa ushirikiano kwa miradi yote na shughuli zote za maendeleo zitakazokuja katika maeneo yao.

' Ilemela ni Yetu, Tushirikiane Kuijenga ' 

Imetolewa na
Ofisi ya Mbunge
Jimbo la Ilemela