MBUNGE WA JIMBO LA ILEMELA AWACHANGIA WANANCHI MALIPO YA TIKA

Katika kuhakikisha  wananchi wa Jimbo la Ilemela wananufaika na huduma bora za afya

Mbunge wa Jimbo hilo ambaye pia ni Naibu Waziri wa Ardhi Nyumba na Maendeleo ya Makazi Mhe Dkt Angeline Mabula amewachangia wananchi waliokuwa tayari kunufaika na huduma ya mfuko wa afya wa Tiba kwa Kadi (TIKA) itakayowawezesha kupata huduma bure za afya kwa kutumia kadi inayopatikana kwa kuchangia elfu Ishirini kwa Mwaka.

Zoezi hilo limefanyika Kata ya Sangabuye Jimboni humo alipokuwa akikabidhi gari la kubebea wagonjwa lililotolewa na Wizara ya Afya kupitia Benki ya Dunia ikishirikiana na Mfuko wa fedha duniani hivi karibuni na kuwataka wananchi kulitunza huku akiwaasa watumishi kulitumia gari hilo kwa Kazi iliyokusudiwa.

Akizungumza na wanachi hao Dkt Mabula amesema.

'...Niwaombe mlitunze gari hili na mlitumie kwa kazi iliyokusudiwa kituo hiki cha afya kinaangaliwa kwa jicho la ziada kulingana na eneo linalohudumia kuwa  kubwa sana hivyo  kila mmoja anapaswa kuwa mlinzi wa rasilimali zetu na msiache mkazani mnaikomoa Serikali au Mnamkomoa Mbunge hizi ni Mali zenu...' 

Aidha Mhe Dkt Mabula amewaasa wananchi kuacha kununua dawa kiholela bila ushauri wa daktari sambamba  na kushirikiana ktk kujenga Nyumba za watumishi mbalimbali wakiwemo wahudumu wa afya.

Wakati huo huo  Dkt Mabula ametembelea miradi ya madaraja inayoendelea Jimboni humo,  Shule ya Sekondari Sangabuye, Shule ya Msingi Bugogwa, Kisundi na Igombe lengo likiwa ni kusikiliza Kero zinazowakabili na kuzipatia ufumbuzi sanjari na kufatilia Zoezi la Uandikishaji wanafunzi linaloendelea mashuleni.

Nao wananchi waliohudhuria makabidhiano hayo wakiongozwa na Diwani wao ambae pia ndio Meya wa Manispaa Ilemela Mhe Renatus Mulunga wamemshukuru Mbunge huyo kwa Jitihada anazozifanya katika kuhakikisha anawaletea maendeleo  na kumhakikishia
ushirikiano wa dhati ili kujiletea maendeleo kwa Umoja.

' Ilemela ni yetu, Tushirikiane kuijenga '

Imetolewa na
Ofisi ya Mbunge
Jimbo la Ilemela