NAIBU WAZIRI WA ARDHI NYUMBA NA MAENDELEO YA MAKAZI AFIKA IROLE KILOLO KUSHUGULIKIA SITOFAHAMU YA MIPAKA KATI YA IROLE NA ILAMBILOLE IRINGA .

Baada ya  kuwepa  kwa  ugomvi wa  kungombea  mpaka  kati ya  wananchi  wa  kijiji cha Irole  wilaya ya  Kilolo  na  Ilambilole katika wilaya ya  Iringa ,naibu  waziri  wa ardhi  nyumba na maendeleo ya  makazi Dkt. Angeline Mabula  amepiga marufuku wananchi kutumia eneo    linalogombewa  hadi hapo wizara yake  itakapotuma wataalam  kwa ajili ya  kubainisha mpaka  utakaotenganisha wilaya ya  Kilolo na Iringa.

Mbali ya  kuzuia  wananchi  kutumia  eneo  hilo la Irole   pia naibu  waziri  huyo  amemzuia mmoja  kati ya  wafugaji  wa jamii ya  kimasai kuendelea na  ujenzi  wa  nyumba  katika    eneo  hilo na  kuliagiza  jeshi  la  polisi wilaya ya  Iringa na Kilolo kuchukua hatua kali kwa  yeyote  atakayepuuza  agizo hilo.

Awaagiza  wakuu wa  wilaya ya  Iringa Richard Kasesela na mkuu wa  wilaya ya  Kilolo Asia Abdalah  kuitisha  mkutano wa pamoja kati ya  wananchi  wa Ilambilole wilaya ya Iringa na Irole  wilaya ya  Kilolo ili   kuona  jinsi gani  wanavyoishi  wananchi  wa pande  hizo  mbili na sio kuweka  mipaka upya.

Akito agizo  hilo jana  wakati  wa  mkutano  wake na  wananchi  wa Irole na  viongozi  kutoka  wilaya ya  Iringa na  Kilolo naibu  waziri    huyo  alisema  kuwa  akiwa naibu  waziri  kutoka  wizara  yenye  dhamana   na  mipaka  ya  nchi  hii  yote kuwa zoezi la utambuzi wa  mipaka   hiyo  litafanyika ndani ya  mwezi   huu  na  kwa  sasa ni  marufuku kwa  mtu  yeyote  kuendelea na  shughuli  yeyote  iwe ya ufugaji ,kilimo ama  ujenzi katika  eneo  hilo la Irole  hadi  wataalam  watakapofika  kubainisha  mipaka  kati ya  wilaya ya  Kilolo na Iringa na baada ya  hapo itatambuliwa mipaka  kati ya  kijiji  na kijiji kama  njia ya  kumaliza tofauti   zilizopo kwa  wananchi hao .

Alisema   kuwa mpaka  wowote   lazima  useme ni  gazeti gani la  serikali  lilitangaza katika  mipaka  ya Kilolo na  Iringa ambayo  ilizaa  Kilolo  waliweka GN yao  namba  366 ya  mwaka  2002  hivyo    mipaka   hiyo ndio  inayotambuliwa na  si vinginevyo .

" Iwapo  kama  mpaka wa  wilaya na  wilaya  hauna tatizo  iweje  kuwe na mgogoro  wa mipaka ya  kijiji wakati mipaka ya  wilaya  ipo  sawa  ......naomba kusema  kuwa  mwananchi  wa  Kilolo kulima eneo  la Iringa ama mwananchi wa Iringa  kulima ama  kufanya shughuli  zake  katika  wilaya ya  kilolo si  tatizo na huwezi  sema ni mgogoro  mtu anaweza  kulima ama kufanya  shughuli  zake  popote pale bora  mradi asivunje sheria"

Hivyo  alisema  kila  mwananchi anaweza  kumiliki ardhi  popote pale  ila  sio  kubadili mipaka ili  kulifanya  eneo  lake  kuwa wilaya  anayoitaka  yeye  kwa  hiyo  katika  hili  ifahamike  kuwa gazeti la  serikali la  366 la mwaka 2002  linalobainisha  mipaka  ndilo  litakalotumika kuamua  na kuonyesha  mipaka  hiyo  na kuwa hakuna  sababu ya  wananchi kuendelea  kugombana kwa  ajili ya ardhi kwani kila aliye na ardhi yake iwe Iringa ama  Kilolo ataendelea  kumiliki yeye mwenyewe  .

Awali  mbunge  wa Kilolo  Venance  Mwamoto  alimweleza  naibu  waziri   huyo kuwa kimsingi wananchi  wa Irole  wilaya ya  Kilolo ndio ambao wanauhitaji  wa  eneo hilo na  ndio  sababu  wamefika katika mkutano  huo ila wananchi wa Ilambilole  hawana uhitaji wa  eneo hilo zaidi ya mfugaji mmoja aliyepo  eneo hilo la mpaka anayeingiza  mifugo katika mashamba ya  wakulima .

Alisema  kuwa  siku  zote  mgogoro  huo ni wa pande mbili  ila  katika  hilo  inaonyesha  wananchi wa Ilambilole  hawana  shida na eneo hilo isipo kuwa kuna mtu mmoja anayekuza jambo  hilo kwa  kutaka kwa manufaa yake  na kutokana na ukweli huo ni  vema  serikali kuangalia namna gani ya kuwaachia wananchi wa Irole  eneo hilo .