KOREA KUSINI YASHUSHA NEEMA ILEMELA.

Msafara wa wawekezaji na wataalamu 19 Kutoka Nchini Korea Kusini walio wasili wilayani Ilemela kwa Mwaliko wa Mbunge  wa Jimbo la Ilemela na Naibu Waziri wa Ardhi Nyumba na Maendeleo ya Makazi Dkt Angeline.S.L Mabula wazaa matunda.

Wageni hao ambao walipata fursa ya kuzungumza na Uongozi wa Mkoa chini ya Mhe Mkuu wa Mkoa Comred John Mongela pamoja na Uongozi wa Halimashauri ya Manispaa ya Ilemela umeamua kimsingi kujenga kiwanda kikubwa cha nguo wilayani Ilemela, kuanzisha kiwanda cha uzalishaji wa umeme kwa nguvu ya jua, kuanzisha radio ya watu wa Ilemela, kuboresha chuo cha ufundi cha veta na kukiwezesha kwa kukipa vifaa vikubwa vya kisasa, kuanzisha kituo kikubwa cha mchezo wa soka ili kuwajengea uwezo wachezaji wetu wa Ilemela kupata soko la kucheza ktk timu za kimataifa zikiwemo timu za Korea kusini.

Lakini pia wataisaidia Mamlaka ya Maji Mwanza kuboresha Miundo mbinu ya Maji ili Wananchi wengi wapate Maji tofauti na hali ilivyo sasa

Mazungumzo hayo yalifatiwa na Zoezi muhimu la kusaini hati za Makubaliano (MOU) ili mchakato wa mambo yote uweze kuanza.

Wageni wetu hawa walikamilisha ratiba yao hapa nchini kwa kukutana na kufanya mazungumzo na Mhe Waziri Mkuu wa Jamuhuri ya Muungano wa Tanzania Mhe  Kassim Majaliwa ambae Amempongeza Mhe Mbunge  kwa juhudi zake na kuwaahidi ushirikiano wageni wetu kwa niaba ya serikali.                          

"Ilemela ni yetu,tushirikiane kuijenga".                      
Imetolewa na                 
Ofisi ya mbunge
Jimbo la Ilemela~Mwanza