MBUNGE WA ILEMELA AKUTANA NA BALOZI WA KOREA NCHINI

Mbunge wa Jimbo la Ilemela na Naibu Waziri wa Ardhi Nyumba na Maendeleo ya Makazi Dkt Angeline Mabula ameendelea na jitihada za kuhakikisha anawatumikia wana Ilemela na kuwaletea maendeleo ya haraka.

Mhe Dkt Mabula  leo amekutana na Balozi wa Korea nchini Tanzania na kufanya nae mazungumzo yenye lengo la kuimarisha mahusiano baina ya Manispaa ya Ilemela na Jiji la Daegu lililopo nchini Korea sambamba na mazungumzo juu ya Timu ya Wataalamu,Viongozi na Wananchi wa Ilemela waliokwenda nchini Korea hivi karibu kwaajili ya mafunzo ya uwekezaji na uwezeshaji inayoongozwa na Mhe Mstahiki Meya wa Manispaa hiyo  Renatus Mulunga.

Mhe Dkt  Mabula pia ameitumia  fursa hiyo kumkabidhi Balozi wa Korea  andiko  la mradi kwaajili ya kuwasaidia wananchi wanaofanya shughuli za ujasiliamali kwenye maeneo ya mialo

' Ilemela ni yetu,Tushirikiane kuijenga '

Imetolewa na
Ofisi ya Mbunge
Jimbo la Ilemela