MH. DKT ANGELINE MABULA MGENI RASMI MAHAFALI YA DIT

Mbunge wa Ilemela na Naibu Waziri wa Ardhi Nyumba na Maendeleo ya Makazi Dkt Angeline Mabula anatarajiwa kuwa mgeni rasmi ktk mahafali ya kwanza ya vijana waliopata mafunzo ya utengenezaji viatu ktk chuo cha DIT Kampasi ya Mwanza Ilemela yatakayofanyika kesho Jumamosi Tar 13.05.2017  Saa Nne asubuhi viwanja vya chuo cha DIT.

Wananchi wote mnakaribishwa kuungana na Mbunge wetu ktk mahafali hii.

' Ilemela ni yetu, Tushirikiane kuijenga '

Imetolewa na
Ofisi ya Mbunge
Jimbo la Ilemela
12.05.2017

Read More

KWA NIABA YA WANANCHI WA JIMBO LA ILEMELA WENYE MAPENZI MEMA,NAPENDA KUTOA POLE

Kwa niaba ya wananchi wa Jimbo la Ilemela na wote wenye mapenzi mema, Napenda kutoa pole kwa ndugu zetu wote waliopatwa na msiba huu mkubwa kwa kuondokewa na wapendwa wao na ambao ni watoto wetu wa shule ya Lucky Vicent Pre&Primary School ya Karatu na ambao wangekuwa viongozi wa kesho

Jambo hili limetugusa wote ni jukumu letu kama watanzania kuendelea kumuomba Mwenyezi Mungu atuepushe na ajali na tuendelee kuwaombea marehemu wote pumziko la milele kwa familia zilizopatwa na msiba naomba ZABURI 125:1 iwe faraja kwao

RAHA YA MILELE UWAPE Eee BWANA NA MWANGA WA MILELE UWAANGAZIE, WAPUMZIKE KWA AMANI,. AMINA

Read More

SERIKALI YA JIANDA KUONDOKANA NA MIGOGORO YA ARDHI.

Naibu Waziri wa Ardhi, Nyumba, Maendelo ya Makazi, Angelina Mabula amesema serikali inaandaa programu ya kupanga, kupima na kumilikisha kila kipande cha ardhi nchini. Mpango huo utaondoa muingiliano wa watumiaji wa ardhi nchini pamoja na kupunguza mgogoro wa ardhi.

Naibu waziri huyo ametoa kauli hiyo leo, akiwa bungeni wakati akijibu swali lililoulizwa na mbunge Amina Mwakilaji lililohoji

Swali "Serikali ina mpango gani wa kupima ardhi yote ya Tanzania ikiwa ni njia mojawapo kubwa ya kutatua migogoro ya ardhi? "

Ni azma ya serikali kuondoa migogoro ya ardhi kote nchini, na ili kufikia azma hiyo, serikali imeandaa programu ya kupanga, kupima na kumilikisha kila kipande cha ardhi nchini, katika utekelezaji wa Programme hii , kila kipande cha ardhi nchini kitapangiwa matumizi na kupimwa hali ambayo itaondoa muingiliano baina ya watumiaji mbalimbali wa ardhi na hivyo kupunguza uwezekano wa kuibuka migogoro ya ardhi. Mpango huu utasaidia ardhi yote kutunzwa kwa watumiaji husika na kuhifadhi maliasili zilizopo katika ardhi kwa ujumla pia jamii inayozunguka maeneo hayo yaliyohifadhiwa itawezeshwa kutambua mipaka yao na kuwa na mipango ya matumizi ya ardhi na kuzibiri uvamizi wa maeneo ya hifadhi,” amesema Naibu Mabula.

“Aidha utekelezaji wa programu hii utaiwezesha jamii kufahamu umuhimu wa kulinda ardhi inayomilikiwa dhidi ya uvamizi wowote kuwezesha kukabiliana na mabadiliko yanayotokana na tabia ya nchi kuboresha makazi ya wananchi na kuleta usalama na ustawi wa maliasili za Taifa.”

“Mheshimiwa Spika programu ya kupima na kumilikisha kila kipande cha ardhi nchini, itahusisha Halmashauri zote 181 nchini na imepanga kufanyika katika miaka 10 kwa awamu ya miaka mitano kwa kila awamu ya mwaka wa fedha 2016/2017. Aidha programu hii itakuwa na miradi mikubwa miwili ambayo ni miradi ya upimaji ya kila kipande cha ardhi vijijini na mradi wa upimaji kila kipande cha ardhi mijini,”

' Ilemela ni yetu, Tushirikiane kuijenga'

Imetolewa na
Ofisi ya Mbunge
Jimbo la Ilemela
02. 05. 2017

Read More

MHESHIMIWA LUKUVI AIPONGEZA ILEMELA KWA KASI

Waziri wa Ardhi Nyumba na Maendeleo ya Makazi Mhe William Lukuvi ameipongeza na kuisifu Manispaa ya Ilemela kwa Kasi yake ya Maendeleo sambamba na Utaratibu wake wa kutatua Migogoro ya Ardhi kwa wananchi.

Hayo ameyasema wakati wa Ziara yake ya kikazi ndani ya Manispaa hiyo iliyohusisha Ukaguzi wa mifumo inayotumika kulipia kodi ya ardhi, Kikao cha ndani kilichojumuisha madiwani, viongozi wa wilaya, mkoa na wataalamu wa ngazi zote na baadae kufanya Mkutano wa hadhara kata ya Mecco unapofanyika Mradi wa Urasimishaji makazi na kuzungumza na Wananchi wa eneo hilo  na maeneo jirani waliojitokeza kumsikiliza.

‘… Hakuna manispaa yeyote yenye uwezo wa kuendelea kwa haraka na muda mfupi kama nyinyi, Nilikuja hapa mara ya mwisho ni tofauti na nilivyowakuta leo nilikuwa nawaza kuwanunulia mashine za RTK  nchi nzima lakini nyinyi mmeweza kununua wenyewe  maanake mmekuwa juu ya wazo langu na juzi marafiki zenu wa Korea nmesaini  barua wanakuja na mfumo wa uboreshaji na usimamizi wa ardhi …’ Alisema.

Aidha Mhe Lukuvi ameongeza kuwa ipo haja ya kufundisha manispaa nyengine utataribu unaotumika katika kutatua migogoro ya ardhi nakuahidi kuwa yupo teyari kusaidia mawasiliano na wizara nyengine unapotokea uhitaji kwa migogoro itakayohusisha taasisi zaidi ya moja huku akitaka kutafuta namna nyengine ya kuhakikisha juhudi katika ukusanyaji wa kodi za ardhi na utoaji wa  hati zinaongezeka ili kuiongezea nchi pato litalosaidia utekelezaji wa miradi mbalimbali ya maendeleo.

Kwa upande wake mkuu wa mkoa Mwanza Mhe John Mongela mbali na kumshukuru kwa kuutembelea mkoa wake mara kwa mara hasa Ilemela ameahidi kuiga mfano wake kwa kurudi Ilemela kutatua changamoto za ardhi zitazoshindikana kwa ngazi ya wilaya.

Wakihitimisha kwa wazo la pamoja mkuu wa wilaya ya Ilemela Mhe Dkt Leonard Masale, Meya wa manispaa hiyo Mhe Renatus Mulunga na Mkurugenzi wake Ndugu John Wanga wamemuhakikishia kuwa watatekeleza maelekezo yote aliyoyatoa katika ziara yake haraka iwezekanavyo sambamba na kumpongeza Naibu Waziri wa Ardhi na Mbunge wa Jimbo la Ilemela Dkt Angeline Mabula katika kusaidia utatuzi wa changamoto za ardhi na utekelezaji wa shughuli za maendeleo.

Imetolewa na
Ofisi ya Mbunge
Jimbo la Ilemela
29.04.2017

Read More

MBUNGE WA JIMBO LA ILEMELA MGENI RASMI MAOMBEZI YA AMANI NCHINI

Mbunge wa Jimbo la Ilemela na Naibu Waziri wa Ardhi Nyumba na Maendeleo ya Makazi Dkt Angeline Mabula ashiriki maombezi ya kuliombea Taifa na Viongozi wake wote katika Serikali ya awamu ya Tano chini ya Mhe Rais Dkt John Magufuli yaliyofanyika katika Viwanja vya Ccm Kirumba na kuhudhuriwa na Viongozi mbalimbali.

Aidha katika kongamano hilo lililoandaliwa na akina mama wa kanisa la AICT Dayosisi ya Mwanza lilidumu kwa muda wa siku tatu ambapo mbali na kuombea Taifa limezungumzia changamoto mbalimbali anazokumbana nazo Mwanamke,  Mmomonyoko wa maadili kwa Vijana,  Namna ya kumkomboa Mwanamke kiuchumi,  Tatizo la Ajira kwa Vijana, na Nafasi ya Mwanamke katika kulisaidia Taifa.

Akizungumza katika kongamano hilo Dkt Mabula amewataka Wanawake wote nchini kujisimamia katika kulisaidia taifa sambamba na kuacha utegemezi kwa kuthubutu na kuchukua hatua katika kutatua changamoto mbalimbali zinazowakabili.

Kwa upande wao wanawake walioshiriki kongamano hilo mbali nakumshukuru Mhe Dkt Mabula kwa kukubali mwaliko wao wa kuwa Mgeni rasmi katika kuhitimisha kilele cha kongamano hilo wamemhakikishia kuwa Wanawake wataendelea kuwa msingi imara katika kuliletea Taifa maendeleo hasa kipindi hiki cha kuelekea Tanzania ya Viwanda huku Mwanamke akitegemewa kama nyenzo muhimu na chachu ya kuyafikia malengo hayo kwa kujituma na kuacha utegemezi na mwisho kumkabidhi zawadi ya picha kwa niaba ya Mhe Janeth Magufuli mke wa Mhe Rais wa Jamhuri ya Muungano wa Tanzania kama ishara ya kuthamini na kuutambua mchango wake kama mwanamke katika kulitumikia Taifa na Msaidizi mahiri wa Mhe Rais.

' Ilemela ni yetu, Tushirikiane kuijenga'

Imetolewa na
Ofisi ya Mbunge
Jimbo la Ilemela

Read More

UWEKEZAJI KULIKOMBOA JIMBO LA ILEMELA KIUCHUMI

Miradi mbalimbali ya Uwekezaji inayotaraji kufanyika ndani ya Jimbo la Ilemela itakuwa fursa ya kukuza uchumi wa wananchi wa jimbo hilo.

Hayo yamebainishwa na  balozi mstaafu wa Korea katika mazungumzo yake na viongozi wa Ilemela akiwemo Mkuu wa wilaya Ilemela Mhe Dkt Leonard Masale, Meya wa Manispaa Ilemela Mhe Renatus Mulunga, Naibu Meya Mhe Shaban Maganga, Kaimu Mkurugenzi Mhe Daniel Batare, Katibu Ofisi ya Mbunge Heri James, wataalamu wa Manispaa Ilemela  na wageni alioambata nao kutoka nchini Korea.

Aidha Ugeni huo wa uwekezaji ulianza kwa kufanya kikao kifupi na mkuu wa mkoa Mwanza Mhe John Mongela na baadae kutembelea maeneo  yaliyotengwa kwa utekelezaji wa miradi yakiwemo Ihalalo, Nyamhongolo, eneo la mafunzo ya kilimo chini usimamizi wa The Angeline Foundation Imalang'ombe na shule ya sekondari wavulana Bwiru.

Balozi huyo mstaafu wa Korea Kim Young Hoon amesema kuwa anafurahishwa na kasi ya maendeleo ya Jimbo la Ilemela na kuongeza  ni matumaini yake kuona miradi ya uwekezaji itayotekelezwa ikileta manufaa ya kukua kwa uchumi wa pande zote mbili .

'... Nafurahishwa na kasi ya ukuaji wa mji wa Ilemela sambamba na ushirikiano kutoka wa muasisi wa mahusiano ya pande hizi mbili chini ya Mbunge wa Jimbo la Ilemela na Naibu Waziri wa Ardhi Nyumba na Maendeleo ya Makazi Dkt Angeline Mabula , Matumaini yangu kuona uwekezaji tunaoufanya ukichochea ukuaji wa uchumi kwa wananchi wetu...'  Alisema .

Nae mkuu wa wilaya ya Ilemela Mhe Dkt Masale na Meya wa manispaa hiyo  Mhe Mulunga mbali na kushukuru kwa maamuzi yao ya kuichagua Ilemela kama eneo la uwekezaji wamemuhakikishia ushirikiano wa utekelezaji wa makubaliano yote katika kufanikisha utekelazi wa miradi hiyo huku wakihimiza mawasiliano ya Mara kwa mara.

Akihitimisha Katibu wa Mbunge wa Jimbo la Ilemela Ndugu Heri James amesema

'... Mengi mmezungumza na Dkt Mabula  Sisi kazi yetu ni kusisitiza na tunawahakikishia utayari na umakini katika kufanikisha dhamira ya uwekezaji na tunaamini bado tuna mengi yakufanya kwa pamoja ...'

Imetolewa na

Ofisi ya Mbunge

Jimbo la Ilemela

 07.04.2017

Read More

ALIYEKUWA BALOZI WA KOREA NCHINI AMTEMBELEA MHESHIMIWA MBUNGE WA ILEMELA

Aliyekuwa Balozi wa Korea Kusini nchini Tanzania kuanzia mwaka 2009 hadi 2012 Mheshimiwa Balozi Kim, Young-hoon amemtembelea Ofisini kwake Mjini Dodoma Mbunge wa Jimbo la Ilemela na Naibu Waziriwa Ardhi Nyumba na Maendeleo ya Makazi Daktari Angeline Mabula lengo likiwa ni kuimarisha mahusiano baina ya Ilemela na Miji rafiki ya nchini Korea,  Kufungua zaidi fursa za Uwekezaji baina ya nchi hizo na utekelezaji wa miradi yote ya kimaendeleo inayotaraji kuanza  Jimboni humo muda wowote kutoka sasa.

Mbali na Balozi huyo Timu ya Uwekezaji ijulikanayo kama KICOT inayojumuisha waTanzania na Wakorea imeambatana na Balozi huyo katika Ziara hiyo huku ikimjumuisha Mkurugenzi wa Halmashauri ya Manispaa Ilemela Ndugu John Wanga,  Ndugu Son, Ndugu Kim,  Ndugu Lee Kwang Se,  Ndugu Lee Jae-Yong na Ndugu David Mabula .

Aidha ugeni huu unataraji kuwasili jijini Mwanza,  Ilemela mapema jioni ya leo kwaajili ya utekelezaji wa miradi mbalimbali ya kimaendeleo kufuatia kusainiwa kwa mikataba mbalimbali ya miradi ya shughuli za maendeleo mapema mwishoni mwa mwaka jana.

' Ilemela ni yetu, Tushirikiane kuijenga'

Imetolewa na
Ofisi ya Mbunge
Jimbo la Ilemela
05. 04. 2017

Read More