MBUNGE WA ILEMELA AKUTANA NA SHIVYAWATA

Mbunge wa Jimbo la Ilemela na Naibu Waziri wa Ardhi Nyumba na Maendeleo ya Makazi Dkt Angeline Mabula amekutana na kufanya mazungumzo na Shirikisho la Vyama vya Walemavu Tanzania SHIVYAWATA ofisini kwake jijini Dar es Salaam

Akizungumza na SHIVYAWATA Mhe Mabula amesema kuwa amefurahishwa na Jitihada wanazozifanya katika kuhakikisha Walemavu wanaondokana na utegemezi kwa kujishughulisha na miradi mbalimbali ya kujikwamua kiuchumi huku akiwahakikishia kuwa Serikali ya Awamu ya Tano inalitambua kundi hilo na kuahidi kuendelea kuwaunga mkono kwa kila wanachofanya

Nae Mwenyekiti wa SHIVYAWATA Bi Ummy Nderinga ameishukuru Serikali ya Awamu ya Tano inayoongozwa na Mhe  Rais Dkt John Magufuli kwa hatua mbalimbali wanazozichukua katika kuwasaidia watu wenye ulemavu huku akiwataka viongozi wengine na Jamii kiujumla kuiga mfano wa Dkt Mabula katika kuunga mkono jitihada za kuwasaidia walemavu nchini

'... Tunaishukuru Serikali ya Awamu ya Tano kwa kuendelea kuisaidia jamii ya watu wenye ulemavu naomba sana na wengine waige mfano wa Naibu Waziri Mabula kwa kuunga mkono jitihada za wenye ulemavu...'

Aidha Mwenyekiti Nderinanga ameongeza kuwa lengo la mazungumzo yao ni kuhakikisha SHIVYAWATA inapata maeneo rafiki kwajili ya ujenzi wa Ofisi na Maeneo kwaajili ya uendeshwaji wa  Miradi mbalimbali yenye lengo la kumsaidia mlemavu aweze kujikwamua kiuchumi na kujitegemea

'...Ilemela ni yetu, Tushirikiane kuijenga...'

Imetolewa na

Ofisi ya Mbunge

Jimbo la Ilemela

14.02.2017